Yandex Go’da tovarlarni yetkazib berishning sekin stsenariylaridan voz kechiladi
Yandex Go tovarlarni ekspress-yetkazib berish xizmatlari — Magazini va Lavka’ni rivojlantirishga eʼtibor qaratadi. Foydalanuvchilar uzoqroq yetkazib berish muddatlariga ega tovarlarni buyurtma qilishlari mumkin boʻlgan Market tovarlar vitrinasi oʻz ishini 10 noyabrda yakunlaydi, deb xabar berdi Yandex Uzbekistan.
Yandex Go tovarlarni yetkazib berishning sekin stsenariylaridan voz kechadi
Yandex Go tovarlarni ekspress yetkazib berish xizmatlarini — Magazini va Lavka’ni rivojlantirishga eʼtibor qaratadi. Foydalanuvchilar uzoqroq yetkazib berish muddati bilan buyurtma berishi mumkin boʻlgan Market vitrinasi 10 noyabrdan oʻz faoliyatini toʻxtatadi. Bu haqda «Gazeta»ga Yandex Uzbekistan matbuot xizmati maʼlum qildi.
Shu bilan birga, Yandex Go’da avvalgidek oziq-ovqat, elektronika, kosmetika, uy-roʻzgʻor buyumlari va boshqa toifadagi tovarlarni 15 daqiqadan boshlangan yetkazib berish xizmati bilan buyurtma qilish mumkin boʻladi, deb taʼkidladi kompaniya.
«Ekspress yetkazib berish — kompaniyaning jadal rivojlanayotgan yoʻnalishlaridan biridir. Oxirgi bir yil ichida Magazini xizmati hamkorlari soni deyarli ikki baravarga oshib, 500 taga yetdi. Lavka tarmogʻi oʻnta darkstorni oʻz ichiga oladi, shaxsiy savdo markasidagi tovarlar assortimenti esa 100 dan oshadi. 2026 yilda Magazini va Lavka’dagi buyurtmalar soni 2025 yilga nisbatan allaqachon uch baravarga oshdi», — deyiladi Yandex Uzbekistan xabarida.
Market vitrinasi orqali tovarlarni 10 noyabrgacha rasmiylashtirish mumkin boʻladi, ushbu muddatgacha berilgan buyurtmalar esa qayta ishlanadi va oluvchilarga yetkazib beriladi. Kompaniya ekspress yetkazib berishga qiziqish bildirgan Market hamkorlariga Magazini yoki Lavka bilan hamkorlikni koʻrib chiqishni taklif qildi.