“Titanik” butunlay boshqacha bo‘lishi mumkin edi: bir og‘iz gapi tufayli Mettyu Makkonahi Jek roliga tasdiqlanmagan

"Titanik" filmi butunlay boshqacha ko‘rinishga ega bo‘lishi mumkin edi: Mettyu Makkonaxi birgina gapi tufayli Jek rolidan mahrum bo‘lgan.

Ishonish qiyin, ammo kino tarixidagi eng mashhur filmlardan biri – "Titanik"da boshqa aktyor o‘ynashi mumkin edi. Sevgi qurboni Jek Douson obrazi Leonardo Dikaprioga emas, balki mutlaqo boshqacha uslub va ovozga ega bo‘lgan boshqa aktyorga nasib etgan bo‘lardi.

Jeyms Kemeronning 1997-yilda ekranlarga chiqqan filmi darhol shoh asarga aylandi. U Dikaprioni jahon yulduziga aylantirdi va dunyoga Jek hamda Rouzning mashhur juftligini taqdim etdi. Film bir vaqtning o‘zida 11 ta "Oskar" mukofotini va rekord darajadagi kassa daromadlarini qo‘lga kiritdi.

Ammo bosh rolga aktyor tanlash qarori oson bo‘lmaganini ko‘pchilik bilmaydi. Bir paytlar film ijodkorlari Mettyu Makkonaxi nomzodini jiddiy ko‘rib chiqishgan.

Bu haqda ko‘p yillar davomida Kemeron bilan hamkorlik qilgan prodyuser Jon Landau o‘z xotiralarida shunday yozadi:

"Biz uni Keyt (Uinslet) bilan bo‘lgan sahnani suratga olishga taklif qildik. Mettyu cho‘ziq (texascha) talaffuz bilan rolini ijro etdi. Jim (Kemeron): "Juda soz, endi boshqacha qilib ko‘raylik", dedi. Mettyu esa: "Yo‘q, juda yaxshi chiqdi, rahmat", deb javob berdi. Aytish mumkinki, Makkonaxi uchun shu bilan hammasi tugadi."

Birgina so‘z va qaysarlik sabab rol boshqaga o‘tib ketadi. Bugungi kunda "Titanik"da yosh Dikapriodan boshqa hech kimni tasavvur qilib bo‘lmaydi. Uning Jeki romantika, erkinlik va fojiali muhabbat timsoliga aylandi. Ammo voqealar butunlay boshqacha kechishi ham mumkin edi.