Tennischi Kamilla Rahimova US Open uchinchi davrasida turnirni tark etdi
25 yoshli sportchi dunyoning birinchi raqamli raketkasiga yutqazdi.
Tennischi Kamilla Rahimova US Open turnirining uchinchi davrasida ishtirokini yakunladi
Kamilla Rahimova tennis bo‘yicha AQSH Ochiq chempionatida (US Open) uchinchi davragacha yetib bordi.
Ikkinchi davrada u ispaniyalik tennischi Oksana Selexmetevani 2 setda (6:3, 6:0) ishonchli tarzda mag‘lub etdi. Uchrashuv 1 soat 5 daqiqa davom etdi.
Uchinchi davrada esa u dunyo va turnirning birinchi raketkasi bo‘lgan belaruslik Arina Sobolenkoga 2 setda (3:6, 4:6) imkoniyatni boy berdi.
Uchinchi bosqichga chiqish Rahimovaga 130 reyting ochkosi va 290 ming dollar mukofot puli keltirdi.
Asli rossiyalik bo‘lgan Kamilla Rahimova 2025-yil dekabr oyida sport fuqaroligini o‘zgartirib, xalqaro musobaqalarda O‘zbekiston bayrog‘i ostida qatnasha boshladi.