Holand sabab “Manchester Siti” va “Barselona” o‘rtasida mojarosi kelib chiqishi mumkin

Holand tufayli “Manchester Siti” va “Barselona” o‘rtasida mojaro yuzaga kelishi mumkin

Erling Holand sabab “Manchester Siti” bilan “Barselona” orasida yangi kelishmovchilik paydo bo‘lishi ehtimoli bor. Topskills Sports UK xabariga ko‘ra, ingliz klubi rahbariyati kataloniyaliklarning norvegiyalik hujumchiga nisbatan tutumidan mutlaqo norozi.

Manbaga ko‘ra, “Siti” vakillari “Barselona”dan Holand transferi yuzasidan yashirin tarzda olib borilayotgan muzokaralarni zudlik bilan to‘xtatishni so‘ragan. Bu vaziyat “shaharliklar”ga Xulian Alvares bilan bog‘liq voqeani eslatgan. Klubdagilar fikricha, o‘shanda ham “Barselona” argentinalik hujumchini o‘ziga og‘dirish uchun aynan shunday yashirin usuldan foydalangan.

Shu bois Angliya klubi “Barselona”ni ochiqchasiga ogohlantirgan: agar Holand masalasida ham shunday yo‘l tanlansa, “Siti” bunga xuddi shu usulda javob beradi.

Ma’lumot uchun, Holand 2022-yili “Borussiya D”dan 60 million yevro evaziga “Manchester Siti”ga o‘tgan edi. Hujumchi o‘tgan mavsumda klub safida jami 52 ta o‘yinda maydonga tushib, 38 ta gol va 9 ta golli uzatma qayd etgan. Erling faoliyati davomida Avstriyaning “Zalsburg” hamda Norvegiyaning “Molde” va “Bryune” klublarida ham o‘ynagan.