Six Flags istirohat bogʻida amerikancha tepaliklardagi hodisa oqibatida bir kishi halok boʻldi va bir necha kishi jarohatlandi
Intsidentdan soʻng parkda olingan havo tasvirlarida toʻxtab qolgan amerikancha gorkalar va undan tushishga yordam berilayotgan yoʻlovchilar aks etgan.
AQShning Jorjiya shtatidagi Six Flags Over Georgia koʻngilochar bogʻida amerikancha tepaliklar attraktsionidagi koʻngilsiz hodisa oqibatida bir kishi halok boʻldi va bir necha kishi jarohatlandi.
BBC’ning yangiliklar boʻyicha hamkori CBS xabariga koʻra, Kobb okrugi politsiya departamenti Atlantadan taxminan 15 mil (24 km) uzoqlikda joylashgan bogʻdagi hodisa boʻyicha surishtiruv olib borilayotganini maʼlum qilgan.
Idora gap qaysi attraktsion haqida ketayotganiga aniqlik kiritmagan, biroq yangiliklar vertoletlaridan olingan havo tasvirlarida Goliath amerikancha tepaliklari relsda toʻxtab qolganini va xodimlar yoʻlovchilarga tushishga yordam berayotganini koʻrish mumkin.
Six Flags Over Georgia вакиллари "bugun bogʻimizda yuz bergan koʻngilsiz hodisadan chuqur qaygʻudamiz. Mehmonning oilasi, doʻstlari va yaqinlariga chin qalbdan hamdardlik bildiramiz", deyishgan.
Rasmiylar shaxsning oʻlimi sabablarini hali oshkor qilgani yoʻq.
Bogʻ matbuot kotibi oʻz bayonotida jamoa va mahalliy hokimiyat organlari zudlik bilan chora koʻrganini va hodisa boʻyicha surishtiruvda hamkorlik qilayotganini aytgan.
Six Flags Shimoliy Amerikadagi eng yirik koʻngilochar bogʻ operatori boʻlib, Kanada, AQSh va Meksika boʻylab 20 ta koʻngilochar bogʻ, 14 ta akvapark va toʻqqizta kurortni boshqaradi.
Hodisa kompaniyaning Janubiy Kaliforniyadagi bogʻlaridan biri 100 dan ortiq odam attraktsion sabab miya jarohati olganini daʼvo qilganidan soʻng, oʻzining mashhur X2 amerikancha tepaliklarini yopishini eʼlon qilganidan atigi bir necha hafta oʻtib yuz berdi.
Six Flags attraktsion bir qator xavfsizlik sinovlaridan oʻtganini, ammo bu "toʻgʻri qaror" boʻlgani uchun uni foydalanishdan chiqarishga qaror qilganini bildirgan.