xabarchixabarchiABARCHI
Mahalliy

Shavkat Mirziyoyev Serbiyaga rasmiy tashrifini yakunlab, Toshkentga uchib ketdi

Shavkat Mirziyoyev Serbiyaga rasmiy tashrifini yakunlab, Toshkentga joʻnab ketdi

Oʻzbekiston Prezidenti Shavkat Mirziyoyevning Serbiyaga ilk rasmiy tashrifi dasturi yakunlandi. Nikola Tesla nomidagi xalqaro aeroportda oliy martabali mehmonni Serbiya Prezidenti Aleksandr Vuchich rafiqasi bilan kuzatib qoʻydi, shundan soʻng Oʻzbekiston rahbari Toshkentga uchib ketdi.

Serbiya havo hududida Prezident samolyotini ushbu mamlakat Harbiy-havo kuchlari qiruvchi samolyotlari kuzatib bordi.

Ushbu tashrif ikki tomonlama munosabatlar tarixida yangi bosqich boʻldi. Muzokaralar yakunida ikki davlat rahbarlari Strategik sheriklik munosabatlarini oʻrnatish toʻgʻrisidagi Qoʻshma deklaratsiyani imzoladilar, shuningdek, asosiy yoʻnalishlar boʻyicha kelishuvlarni mustahkamlovchi hujjatlar paketini almashdilar. Dasturning amaliy qismi doirasida Shavkat Mirziyoyev va Aleksandr Vuchich qoʻshma Oʻzbekiston-Serbiya biznes-forumida ishtirok etdilar.

Tadbirlar davomida Oʻzbekiston Prezidentiga Serbiyaning oliy davlat mukofoti — Katta zanjirdagi Serbiya Respublikasi ordenini topshirish tantanali marosimi boʻlib oʻtdi. Bundan tashqari, Belgrad koʻchalaridan biriga "Toshkent" nomi berildi.

xabarchi’da cookie fayllari

Til va mavzu tanlovingizni eslab qolish hamda hozir saytni nechta odam o‘qiyotganini sanash uchun cookie fayllaridan foydalanamiz — bu hisob anonim, faqat brauzeringiz ochiq turganda saqlanadi va na siz bilan, na boshqa tashrif bilan bog‘lanmaydi. Ruxsatingiz bilan sayt qanday o‘qilishini ham o‘lchaymiz: Microsoft Clarity sahifa ko‘rishlari va ulardagi harakatlarni yozib boradi, o‘z hisobimiz esa qaytgan o‘quvchilarni sanaydi. Sizni tashriflar orasida taniydigan hech narsa siz qabul qilmaguningizcha o‘lchanmaydi.