Shavkat Mirziyoyev BMT Bosh Assambleyasining 81-sessiyasi raisi bilan uchrashdi
Oʻzbekiston Prezidenti Shavkat Mirziyoyev 20 oktyabr kuni BMT Bosh Assambleyasining 81-sessiyasi raisi va Bangladesh tashqi ishlar vaziri Xalilur Rahmanni qabul qildi. Tomonlar BMT bilan hamkorlikni kengaytirish va ikki tomonlama munosabatlarni rivojlantirishni muhokama qildilar. Xalilur Rahman Oʻzbekistonga 21–22 […] kunlari boʻlib oʻtadigan «Bolalar farovonligiga investitsiyalar: kelajak avlodlarning barqaror va adolatli rivojlanishi tomon yoʻl» Butunjahon sammitida ishtirok etish uchun tashrif buyurdi.
Shavkat Mirziyoyev BMT Bosh Assambleyasining 81-sessiyasi raisi bilan uchrashuv oʻtkazdi
20 oktyabr kuni Oʻzbekiston prezidenti Shavkat Mirziyoyev BMT Bosh Assambleyasining 81-sessiyasi raisi va Bangladesh tashqi ishlar vaziri Xalilur Rahmanni qabul qildi. Muzokaralarda BMT bilan hamkorlikni kengaytirish va ikki tomonlama munosabatlarni yanada rivojlantirish masalalari muhokama qilindi.
Xalilur Rahman Oʻzbekistonga 21–22 oktyabr kunlari Samarqandda boʻlib oʻtadigan «Bolalar farovonligiga investitsiyalar: kelajak avlodlarning barqaror va adolatli rivojlanishiga yoʻl» nomli Butunjahon sammitida ishtirok etish uchun keldi.
Suhbat chogʻida Mirziyoyev mehmonni BMT Bosh Assambleyasi raisi lavozimiga saylangani bilan tabrikladi va Oʻzbekiston u yangi maqomda tashrif buyurgan birinchi mamlakat boʻlganini taʼkidladi. Oʻz navbatida, Xalilur Rahman davlat rahbariga BMT bosh kotibi Antoniu Guterrishning salomlarini yetkazdi.
Tomonlar, shuningdek, Oʻzbekistonning BMT va uning ixtisoslashgan tuzilmalari bilan hamkorligini yanada mustahkamlash yuzasidan fikr almashdilar. Oxirgi yillarda Oʻzbekiston tashabbusi bilan Bosh Assambleya tomonidan 15 ta rezolyutsiya qabul qilingani, ulardan ikkitasi 2026 yilda maʼqullangani qayd etildi.
Bundan tashqari, Oʻzbekiston 2035–2036 yillar davri uchun BMT Xavfsizlik Kengashining doimiy boʻlmagan aʼzoligiga oʻz nomzodini ilgari surdi.
Uchrashuv ishtirokchilari Barqaror rivojlanish maqsadlariga erishish, Markaziy Osiyoda mintaqaviy hamkorlikni mustahkamlash, iqlim oʻzgarishi oqibatlariga qarshi kurashish, shuningdek, tinchlik madaniyati va dinlararo muloqotni ilgari surishga alohida eʼtibor qaratdilar.
Shuningdek, tomonlar Oʻzbekiston va Bangladesh oʻrtasidagi koʻp qirrali sheriklikni kengaytirishdan manfaatdor ekanini tasdiqladilar.
Uchrashuv Samarqandda bolalar farovonligi va kelajak avlodlarning barqaror rivojlanishiga bagʻishlangan xalqaro sammit arafasida boʻlib oʻtdi.