Qamchiq dovonida «shubhali shaxslar» ushlandi: tafsilotlar
Ularning yonida sellofanga o‘ralgan, oq kukunsimon modda topilgan.
Qamchiq dovonida «shubhali shaxslar» qo‘lga olindi: batafsil
Qamchiq dovonida giyohvand modda olib ketayotgan shaxslar ushlangan. Bu haqda Yo‘l harakati xavfsizligi xizmati ma’lum qildi.
2026-yil 19-sentyabr kuni «Namangan» YPX maskanida YHXXning «Qamchiq» dovoni bo‘yicha YPX otryadi xodimlari tomonidan «Vodiy–Toshkent» yo‘nalishida harakatlanib kelgan «Nexia-2» rusumli avtomobil to‘xtatilgan.
Tekshiruv chog‘ida avtomobilda yo‘lovchi sifatida bo‘lgan, 2004-yilda tug‘ilgan N.U.ning xatti-harakatlari xodimlarda shubha uyg‘otgan.
Xolislar va guvohlar ishtirokida o‘tkazilgan tekshiruv natijasida N.U.ning og‘iz bo‘shlig‘idan sellofanga o‘ralgan, jigar rangli, o‘tkir hidli «gashish» giyohvandlik moddasiga hamda oq rangli kukunsimon «mefedron» moddasiga o‘xshash vositalar topilgan.
Mazkur holat belgilangan tartibda rasmiylashtirilib, aniqlangan moddalar hamda avtomobilda bo‘lgan fuqarolar Pop tumani IIBga topshirilgan.