Prezident suv bo‘yicha mutasaddilarga muhlat berdi
Buxoro viloyatidagi 55 ta mahalla aholisi markazlashgan ichimlik suvi bilan ta’minlanishni kutayotgani qayd etildi
Prezident suv masalasi bo‘yicha mas’ullarga muhlat belgiladi
Buxoroda jamoat transporti yetarli darajada rivojlanmagani sababli aholining 80 foizi ishga, o‘qishga va kundalik yumushlariga yengil avtomobilda borayotgani qayd etildi. Prezidentimiz viloyat uchun zarur bo‘lgan qo‘shimcha 120 ta avtobusni olib kelish ishlarini tezlashtirish vazifasini qo‘ydi.
Turistlarning Buxoro haqidagi ilk taassuroti aeroport va temir yo‘l vokzallari atrofidagi muhitdan boshlanishi ta’kidlandi. Shu bois, ushbu hududlarda xizmat ko‘rsatish sifati va qulayliklarni oshirish yuzasidan mas’ullarga topshiriqlar berildi.
Daraxt turlarini Buxoroning iqlimi va tarixiy qiyofasiga mos ravishda tanlash, mavjud daraxtlarni parvarishlash hamda yo‘l bo‘ylarini obodonlashtirishda yagona yondashuv zarurligi aytildi.
Viloyatdagi 55 ta mahalla aholisi markazlashgan ichimlik suvi bilan ta’minlanishni kutayotgani qayd etildi. Prezidentimiz mas’ullarga mazkur mahallalarga suv yetib borishining aniq muddatini belgilab, masalani hal etishni topshirdi. Viloyatdagi oilalarning uy-joyga ehtiyojini qondirish maqsadida turar joy massivlari qurilishini jadallashtirish vazifasi qo‘yildi.