“Oʻzidan "osmon" yasab olganlar bilan muammo chiqadi” - taksichilar badxulq mijozlar haqida
Yaqinda Toshkentda taksi haydovchisi va yoʻlovchi oʻrtasidagi mojaro jiddiy tus olib, haydovchining kaltaklanishi va unga kuch ishlatgan shaxsning qamoqqa olinishi bilan yakunlandi. Bu holat taksi haydovchilarining ish jarayonidagi xavfsizligi va yoʻlovchilar bilan munosabat masalasini yana bir bor kun tartibiga chiqardi. Kun.uz poytaxtdagi taksi haydovchilaridan ular duch kelayotgan muammolar haqida soʻradi.
“Oʻzidan "osmon" yasab olganlar bilan muammo chiqadi” – taksichilar badxulq mijozlar haqida
Yaqinda Toshkentda taksi haydovchisi va yoʻlovchi oʻrtasida yuzaga kelgan janjal jiddiy tus oldi: haydovchi kaltaklandi, unga kuch ishlatgan shaxs esa qamoqqa olindi. Ushbu voqea taksi haydovchilarining ish jarayonidagi xavfsizligi va yoʻlovchilar bilan oʻzaro munosabatlar masalasini yana bir bor dolzarb qilib qoʻydi. Kun.uz poytaxtdagi taksi haydovchilaridan ular duch kelayotgan muammolar haqida soʻrov oʻtkazdi.
Taksi haydovchisi va yoʻlovchi oʻrtasidagi kelishmovchiliklar har doim ham yoʻl haqi yoki manzil bilan bogʻliq boʻlavermaydi. Haydovchilarning taʼkidlashicha, mashinada belgilanganidan ortiq yoʻlovchi olib ketish, bolalarning nazoratsiz qolishi, salonda ovqatlanish va chekish, shuningdek, mast yoʻlovchilar bilan bogʻliq holatlar ular uchun eng koʻp uchraydigan muammolar sirasiga kiradi.