Obid Hakimov taʼlimni isloh qilish boʻyicha PA rahbarining oʻrinbosari boʻldi
Prezidentning iqtisodiy siyosat boʻyicha maslahatchisi Obid Hakimov Prezident Administratsiyasi rahbarining taʼlim islohoti boʻyicha oʻrinbosari va oʻrindoshlik asosida «Yangi Oʻzbekiston» universiteti rektori etib tayinlandi. Kamoliddin Mardonov iqtisodiy siyosat boʻyicha yangi maslahatchi boʻldi.
Obid Xakimov taʼlimni isloh qilish boʻyicha Prezident Administratsiyasi rahbari oʻrinbosari etib tayinlandi
Obid Arziqulovich Xakimov Prezident Administratsiyasi rahbarining taʼlimni isloh qilish masalalari boʻyicha oʻrinbosari va oʻrindoshlik asosida «Yangi Oʻzbekiston» universiteti rektori lavozimiga tayinlandi. Bu haqda Prezident matbuot kotibi Sherzod Asadov maʼlum qildi.
Bungacha — 2025 yil oktyabr oyidan boshlab — u davlat rahbarining iqtisodiy siyosat masalalari boʻyicha maslahatchisi lavozimida ishlab kelayotgan edi, undan avval esa iqtisodiy siyosat masalalari boʻyicha maslahatchi oʻrinbosari — Iqtisodiy tadqiqotlar va islohotlar markazi direktori boʻlgan.
Kamoliddin Karamiddinovich Mardonov ilgari Prezident Administratsiyasi Huquqiy ekspertiza va kompleks tahlil departamenti boshligʻining birinchi oʻrinbosari lavozimida ishlagan.
Bundan avvalroq, Prezident farmoni bilan Maktabgacha va maktab taʼlimi vazirligi hamda Oliy taʼlim, fan va innovatsiyalar vazirligi yagona Taʼlim va fan vazirligi etib birlashtirilgani xabar qilingan edi.