Oʻqish bahonasida Turkiyaga olib borilgan 17 yoshli oʻzbekistonlik zoʻravonlikdan soʻng vatanga qaytarildi
Turkiyaga oʻqish bahonasida olib borilgan 17 yoshli Oʻzbekiston fuqarosi majburiy nikohga undash, jismoniy zoʻravonlik va majburiy mehnat holatlariga duch kelganini bildirib, Istanbuldagi Bosh konsulxonaga murojaat qilgan. Unga huquqiy yordam koʻrsatilib, Oʻzbekistonga qaytarilgan.
Oʻqish uchun Turkiyaga olib ketilgan 17 yoshli oʻzbekistonlik zoʻravonlikdan keyin vatanga qaytarildi
Migratsiya agentligi maʼlumotiga koʻra, Bosh konsulxona advokatlarni jalb etgan holda voyaga yetmagan vatandoshga konsullik-huquqiy yordam koʻrsatgan. Uning Oʻzbekistonga qaytishi bilan bogʻliq barcha xarajatlar Migratsiya jamgʻarmasi hisobidan qoplangan.
Ayni paytda uning xavfsizligi, ijtimoiy-huquqiy va psixologik himoyasini taʼminlash masalalari tegishli tashkilotlar nazoratiga olingan.
Agentlik xorijda zoʻravonlik, majburiy mehnat, tahqirlanish yoki ogʻir moliyaviy qiyinchiliklarga duch kelgan fuqarolarni yordam soʻrab murojaat qilishga chaqirgan.
Bunday vaziyatlarda Migratsiya agentligining xorijdagi vakolatxonalari, Oʻzbekistonning diplomatik vakolatxonalari va konsullik muassasalari bilan bogʻlanish mumkin.