Namanganda yuk mashinasida yashirilgan 300 mingdan ortiq pirotexnika buyumlari aniqlandi
Qo‘shni davlatdan kirib kelgan yuk mashinasi tirkamasining pol qismi ostiga 10 turdagi pirotexnika buyumlari yashirilgan. Shuningdek, ushbu yashirin joydan 700 dona dori vositasi ham topilgan.
Namanganda yuk mashinasida berkitilgan 300 mingdan ziyod pirotexnika buyumlari topildi
Namangan viloyatida chegara orqali 301 462 dona pirotexnika buyumini noqonuniy olib kirishga urinish fosh etildi. Bu haqda Bojxona qo‘mitasi ma’lum qildi.
Mazkur holat viloyat bojxona boshqarmasining “Uchqo‘rg‘on” chegara bojxona postida aniqlangan.
Qo‘shni davlatdan kirib kelgan yuk avtomobili inspeksion ko‘rik majmuasi yordamida bojxona nazoratidan o‘tkazilgan.
Ko‘rik davomida transport vositasi tirkamasining pol qismi ostiga yashirilgan, xorijda ishlab chiqarilgan va tegishli hujjatlari bo‘lmagan 10 turdagi jami 301 462 dona pirotexnika buyumi aniqlangan.
Hozirda ushbu holat bo‘yicha tergovga qadar tekshiruv harakatlari olib borilmoqda.
Avvalroq Toshkent aeroportida 310 mln so‘mlik 20 ta iPhone’ni noqonuniy olib kirishga urinish fosh etilgani haqida xabar berilgandi.