Mudofaa vaziri etib tayinlangan Botir Qudratxo‘jayevni kuzatish marosimi o‘tkazildi
Qudratxo‘jayevga Ichki ishlar vazirining buyrug‘i bilan «Ichki ishlar organlarining faxriy xodimi» ko‘krak nishoni tantanali ravishda
Mudofaa vaziri etib tayinlangan Botir Qudratxo‘jayev bilan kuzatish marosimi o‘tkazildi
Prezident farmoniga binoan mudofaa vaziri lavozimiga tayinlangan general-mayor Botir Qudratxo‘jayev bilan kuzatish marosimi bo‘lib o‘tdi.
Tadbirda Ichki ishlar vazirligi rahbariyati, soha faxriylari hamda tarkibiy xizmatlar rahbarlari qatnashdi.
Marosim davomida Botir Qudratxo‘jayevning ichki ishlar vazirining birinchi o‘rinbosari — Tezkor-qidiruv departamenti boshlig‘i sifatidagi faoliyati sarhisob qilindi. Uning uyushgan jinoyatchilik, narkotrafik va terrorizmga qarshi kurashish, kiberxavfsizlikni ta’minlash, odam savdosiga barham berish hamda shu yo‘nalishlardagi ishlarni muvofiqlashtirishdagi faoliyati alohida e’tirof etildi.
Shuningdek, xizmat faoliyati davomida erishgan yutuqlari va ichki ishlar organlari tizimi rivojiga qo‘shgan hissasi uchun unga Ichki ishlar vazirining buyrug‘i bilan «Ichki ishlar organlarining faxriy xodimi» ko‘krak nishoni tantanali tarzda topshirildi.
Tadbirda general-mayor Botir Qudratxo‘jayevga yangi lavozimida muvaffaqiyatlar tilanib, mamlakat mudofaa salohiyatini mustahkamlash, Vatan tinchligi va xavfsizligini ta’minlash yo‘lidagi faoliyatiga omadlar tilandi.