Oʻzbekiston mudofaa vaziri ishdan ketdi
Shuhrat Xolmuhamedov Oʻzbekiston mudofaa vaziri lavozimini tark etdi. Uning oʻrnini ichki ishlar vaziri birinchi oʻrinbosari Botir Qudratxoʻjayev egalladi.
Oʻzbekiston mudofaa vaziri lavozimidan ozod qilindi
Oʻzbekiston mudofaa vaziri Shuhrat Gʻayratjonovich Xolmuhamedov o‘z vazifasidan bo‘shatildi. U ushbu lavozimda 2024-yil noyabridan beri faoliyat yuritib kelayotgan edi.
Botir Bahromovich Qudratxoʻjayev yangi mudofaa vaziri sifatida ish boshlamoqda. Uning nomzodi Oliy Majlis Qonunchilik palatasi deputatlari tomonidan maʼqullandi.
Botir Qudratxoʻjayev 1975-yilda tugʻilgan, 1997-yilda Toshkent davlat yuridik institutini tamomlagan.
U mehnat faoliyatini harbiy prokuraturada boshlagan, turli yillarda Toshkent viloyati harbiy prokurori, Sharqiy harbiy okrug harbiy prokurori, Oʻzbekiston harbiy prokurorining birinchi oʻrinbosari lavozimlarida ishlagan.
Keyinchalik Surxondaryo viloyati prokurori (2014-2016), Toshkent shahri prokurori (2016-2017), Bosh prokuratura huzuridagi Majburiy ijro byurosi direktori (2017-2020), Xorazm viloyati prokurori (2020-2022), Bosh prokurorning birinchi oʻrinbosari – harbiy prokuror (2022-2025) sifatida faoliyat olib borgan. 2025-yil fevralidan Favqulodda vaziyatlar vazirligiga rahbarlik qilgan va general-mayor unvonini olgan, 2026-yil yanvarida esa Ichki ishlar vazirining birinchi oʻrinbosari – Tezkor qidiruv departamenti boshligʻi lavozimiga tayinlangandi.