Mirziyoyev Ibn Sinoning bolaligi haqidagi filmning suratga olish jarayoni bilan tanishdi
«Oʻzbekfilm» studiyasida Abu Ali ibn Sinoning bolaligi haqida soʻzlovchi «Husayn» tarixiy filmi suratga olinmoqda. Oʻzbekiston Prezidenti dekoratsiyalarni koʻzdan kechirdi va film ijodkorlari bilan uchrashdi.
Mirziyoyev Ibn Sinoning bolaligi haqidagi filmni suratga olish jarayoni bilan tanishdi
Oʻzbekiston Prezidenti Shavkat Mirziyoyev buyuk olim Abu Ali ibn Sinoning bolalik yillariga bagʻishlangan «Husayn» tarixiy filmining suratga olish maydonchasida boʻldi.
Film Bolalar kontentini rivojlantirish markazi buyurtmasiga asosan yaratilmoqda. «Oʻzbekfilm» kinostudiyasida suratga olish ishlari uchun maxsus boʻlajak olim yashagan davr muhitini aks ettiruvchi dekoratsiyalar barpo etildi. Davlat rahbari tarixiy shahar devorlari, koʻchalar, bozor maydonlari, shuningdek, kartini ustida ishlashda foydalanilayotgan liboslar va rekvizitlarni koʻzdan kechirdi.
Syujet asosida — yosh Husayn ibn Abdullohning tarixi, uning tabobatga boʻlgan qiziqishi, ustozlariga hurmati va insonparvarlik qadriyatlari yotadi. Film mualliflari yosh tomoshabinlarni olimning hayoti, uning bilimga boʻlgan intilishi va shaxsiy fazilatlari bilan tanishtirishni maqsad qilgan.
Ijodiy guruh bilan suhbat chogʻida Mirziyoyev Oʻzbekiston xalqining tarixi va koʻzga koʻringan vakillariga bagʻishlangan filmlarni bundan buyon ham qoʻllab-quvvatlash zarurligini taʼkidladi. Uning soʻzlariga koʻra, kinematografiya yosh avlodga buyuk olimlarning merosi haqida bilib olishga yordam berishi, oʻtmishga qiziqish va milliy tarixga hurmatni uygʻotishi kerak.
Prezident yaratilgan dekoratsiyalarni yuqori baholab, ekranda tarixiy davrni haqqoniy qayta gavdalantirishning muhimligini taʼkidladi.
«Husayn» filmini ishlab chiqarish 2030 yilgacha moʻljallangan hamda Abu Ali ibn Sinoning ilmiy merosini chuqur oʻrganish va ommalashtirishni nazarda tutuvchi «yoʻl xaritasi»ga kiritilgan. Hujjatda, shuningdek, olim tavalludining 1050 yilligini nishonlashga tayyorgarlik koʻrish ham koʻzda tutilgan.
Mirziyoyev suratga olish guruhiga kartina ustidagi ishlarda muvaffaqiyatlar tiladi.