Istanbuldagi mushtashuvda halok boʻlgan shaxs Turkmaniston fuqarosi boʻlib chiqdi
Oʻzbekistonning Stambuldagi Bosh konsulxonasi toʻy zalidagi nizodan soʻng halok boʻlgan 33 yoshli Klich Buriyev Oʻzbekiston fuqarosi boʻlmaganini aniqladi.
Istanbuldagi mushtashuvda halok boʻlgan shaxs Turkmaniston fuqarosi boʻlib chiqdi
Istanbulning Kyuchyukchekmedje tumanidagi toʻyxonada yuz bergan mojaro oqibatida halok boʻlgan erkak Oʻzbekiston emas, balki Turkmaniston fuqarosi boʻlgan.
Bu haqda Turkiya OAVlarida avvalroq tarqalgan maʼlumotlarni tekshirish yakunlari boʻyicha Oʻzbekistonning Istanbuldagi Bosh konsulxonasi maʼlum qildi.
Diplomatik vakolatxona maʼlumotlariga koʻra, halok boʻlgan shaxs 33 yoshli Klich Buriyev boʻlgan. Avvalroq ommaviy axborot vositalarida Istanbuldagi toʻyxonalardan birida sodir boʻlgan mushtashuvdan soʻng bir kishi vafot etgani haqida xabarlar paydo boʻlgan va bu uning fuqaroligi boʻyicha savollarni keltirib chiqargan edi.
Bosh konsulxona OAV vakillari va ijtimoiy tarmoq foydalanuvchilarini hodisa haqida materiallar tayyorlash va tarqatishda aniqlangan holatlarni hisobga olishga chaqirdi.
Diplomatik vakolatxona, shuningdek, marhumning oila aʼzolari va yaqinlariga hamdardlik bildirdi.