Germaniyaning sara askarlari Rossiya bilan ehtimoliy uruşga tayyorgarlikni boşladi
Germaniyaning maxsus kuçlari Rossiya bilan ehtimoliy uruş ssenariysiga tayyorgarlikni kuçaytirmoqda. KSK jangçilari duşman ortida bir neça kun emas, balki uzoq vaqt davomida operatsiya olib borişga tayyorlanadi.
Germaniyaning sara askarlari Rossiya bilan ehtimoliy urushga tayyorgarlikni boshladi
Germaniyaning maxsus vazifalarni bajaruvchi kuchlari Rossiya bilan ehtimoliy urushga hozirlik ko‘rishni boshladi.
Jangchilar bir necha kunlik reydlar o‘rniga dala sharoitida ancha uzoq vaqt qolib ketishga tayyorlanmoqda.
«Biz asosiy dushman - Rossiyaga e’tibor qaratdik», - dedi harbiy xizmatchi nashrga va maxsus kuchlarning sara otryadi tayyorgarlikdan o‘tayotganini, uning doirasida uch kunlik amaliyotlardan ancha uzoqroq davom etadigan - jangchilar dushman ortida ancha uzoq vaqt qolib ketishiga to‘g‘ri keladigan operatsiyalarga o‘tish rejalashtirilayotganini so‘zlab berdi.
Gap Rossiya bilan urush boshlangan taqdirda, NATO sharqiy qanotida jang olib borish sharoitlariga moslashish haqida bormoqda. Generalning so‘zlariga ko‘ra, dushman tanklar, artilleriya, uchuvchisiz uchish apparatlari hamda radioelektron kurash (REK) vositalariga ega bo‘lishi, jangovar harakatlar esa qahraton sovuq sharoitida o‘tishi taxmin qilinmoqda.
Kyunening aytishicha, rejaga binoan, KSK otryadi Germaniya Litvada joylashtirayotgan 45-zirhli tank brigadasidan oldinroq jangga kirishi kerak bo‘ladi. Generalning ta’kidlashicha, KSK Boltiqböyi davlatlaridagi o‘quv mashg‘ulotlari doirasida o‘z imkoniyatlarini allaqachon namoyish etgan va Rossiya ulardan xabardor.