Dunyoda issiqxona gazlari konsentratsiyasi yana rekord darajaga yetdi - JMT
2025-yilda atmosferadagi issiqxona gazlari konsentratsiyasi kuzatuvlar tarixidagi eng yuqori darajaga yetdi. Jahon meteorologiya taşkiloti hisobotiga köra, karbonat angidrid (CO₂), metan va azot çala oksidi miqdori yangi rekordlarni qayd etdi.
Dunyoda issiqxona gazlari konsentratsiyasi yana rekord darajaga chiqdi - JMT
Jahon meteorologiya tashkilotining (JMT) yangi hisobotiga ko‘ra, 2025-yilda atmosferadagi karbonat angidrid (CO2) va boshqa asosiy issiqxona gazlari konsentratsiyasi misli ko‘rilmagan darajada yuqori ko‘rsatkichlarga yetdi. Bu esa sayyorada haroratning yanada uzoqroq muddatga ko‘tarilishiga sabab bo‘ldi.
Issiqxona gazlari bo‘yicha JMT byulletenida ma’lum qilinishicha, 2025-yilda CO2 ning yer sirtiga yaqin global o‘rtacha konsentratsiyasi millionga 426,8 ulushni (ppm) yoki 1750-yildagi sanoatlashuvgacha bo‘lgan bazaviy darajaning 153 foizini tashkil etdi. Inson faoliyati bilan bog‘liq hamda uzoq saqlanib qoluvchi issiqxona gazlari orasida ahamiyati bo‘yicha ikkinchi va uchinchi o‘rinda turadigan metan va azot chala oksidi konsentratsiyasi ham yangi rekord darajaga yetdi.
«Yana bir yil - yana bir yangi rekord. Issiqxona gazlari atmosferada misli ko‘rilmagan miqdorda issiqlikni ushlab qolmoqda, bu esa ekstremal ob-havo hodisalarining hamda ular bilan bog‘liq iqtisodiyotimiz va jamiyatimiz uchun xavf-xatarlarning kuchayishiga olib kelmoqda. So‘nggi 11 yil kuzatuvlar tarixidagi eng issiq davr bo‘ldi va bu tendensiya, aftidan, saqlanib qoladi. CO2 atmosferada juda uzoq vaqt saqlanib qolish xususiyatiga ega, shu sababli u global iqlimga shunchaki ko‘p yillar emas, balki o‘nlab yillar va hatto asrlar davomida ta’sir ko‘rsatadi», - dedi JMT Bosh kotibi o‘rinbosari Ko Barrett.