BMT global isishni jilovlash boʻyicha saʼy-harakatlar muvaffaqiyatsizlikka uchraganini tan oldi
Selsiy boʻyicha 1,5 darajalik meyor endi yuqori chegara emas, balki yangi minimumga aylandi.
BMT global isishni cheklash borasidagi sa’y-harakatlar muvaffaqiyatsiz bo‘lganini tan oldi
Olimlar ko‘pincha kelgusi o‘n yilliklarga mo‘ljallangan iqlim maqsadlari haqida so‘z yuritadi, shu sabab dunyoda global isishning eng og‘ir oqibatlarini to‘xtatish uchun hali vaqt bor degan taassurot paydo bo‘lishi mumkin. Biroq BMTning yangi hisobotida bu imkoniyat allaqachon qo‘ldan boy berilgani aytiladi.
Sanoatlashuvdan oldingi davrga nisbatan haroratning 1,5 darajaga ko‘tarilishi muqarrar va bu yaqin yillarda yuz beradi.
Bu mezon uzoq vaqtdan beri iqlimdagi xavfli burilish nuqtalari bilan bog‘lab kelinadi. Gap okean oqimlarining izdan chiqishi, abadiy muzliklarning tez erishi va tropik marjon riflarining yo‘qolib ketishi haqida bormoqda. Bularning barchasi sayyoradagi hayotni o‘zgartirib yuborishi mumkin bo‘lgan ortga qaytmas oqibatlar hisoblanadi.
Ko‘pchilik tadqiqotchilarning hisob-kitobiga ko‘ra, dunyoda hozir harorat taxminan 1,4 darajaga oshgan. Agar iqlim bo‘yicha berilgan barcha va’dalar bajarilgan taqdirda ham, BMT harorat kamida 1,8 darajagacha ko‘tarilishini prognoz qilmoqda. Hozirgi siyosat davom etsa, asr oxiriga borib isish 2,6 darajaga yetishi mumkin.
Bunday ssenariy muqarrar deb baholanmaydi, ammo u ancha qat’iy choralarni talab qiladi. BMT 1,5 darajalik maqsadga yuqori chegara sifatida emas, balki kelajakda saqlab qolish zarur bo‘lgan minimal daraja sifatida qarashni taklif qilmoqda. Buning uchun dunyo asrning ikkinchi yarmida karbonat angidrid (CO2) chiqindilarini barqaror ravishda kamaytirishga erishishi va boshqa issiqxona gazlarini qo‘shimcha tarzda qisqartirishi kerak bo‘ladi.
Hisobot mualliflari hozir qabul qilinayotgan qarorlar global isishni 1,5 daraja atrofida ushlab turish imkoniyati qoladimi-yo‘qmi, shuni belgilab berishini ta’kidlamoqda.
Uning so‘zlariga ko‘ra, haroratning har o‘ndan bir darajasini pasaytirish orqali kelajakdagi zararni kamaytirish mumkin.