Dam olish kunlari quruq va iliq ob-havo saqlanib turadi
Shanba-yakshanba kunlari O‘zbekistonda quruq va iliq ob-havo bo‘lishi kutilmoqda. Havo harorati kunduzi +15…+20, kechasi +3…+8, shimoliy hududlarda esa −2…+3 daraja atrofida bo‘ladi. Ayrim joylarda shamol kuchayishi mumkin.
Dam olish kunlari quruq va iliq ob-havo saqlanib turadi
23−25-oktabr kunlari O‘zbekiston hududi bo‘yicha quruq va iliq ob-havo davom etadi, deya xabar bermoqda O‘zgidromet.
Havo harorati asosan kechalari +3…+8, kunduz kunlari +15…+20 daraja bo‘ladi, shimoliy hududlarda esa kechalari −2…+3, kunduz kunlari +12…+17 daraja atrofida kuzatiladi.
Shamol sharqdan 7−12 m/s tezlikda esadi, shimolda va cho‘l hududlarda ba’zi joylarda 13−18 m/s gacha kuchayishi, ayrim hududlarda chang-to‘zonlar bilan kuzatilishi mumkin.
Toshkent shahrida juma va dam olish kunlari yog‘ingarchilik kutilmaydi. Shamol sharqdan 3−8 m/s tezlikda esadi. Havo harorati kechalari +5…+7 daraja atrofida, kunduz kunlari 23-oktabrda +19…+21, 24−25-oktabrda +17…+19 daraja bo‘ladi.