Hafta davomida quruq va iliq ob-havo bo‘lishi kutilmoqda
O‘zbekistonda 6−9-oktabr kunlari yog‘ingarchilik kutilmaydi, havo harorati asta-sekin ko‘tarilib, kunduzi +25 darajagacha isiydi. Faqat Farg‘ona vodiysi va tog‘li hududlarda vaqti-vaqti bilan yomg‘ir yog‘ishi, baland tog‘larda qorga aylanishi va sel xavfi yuzaga kelishi mumkin.
Hafta davomida quruq va iliq ob-havo saqlanib qolishi kutilmoqda
6−9-oktabr kunlari O‘zbekiston bo‘yicha yog‘ingarchilik bo‘lmaydi, deya xabar bermoqda.
Dushanba kuni kunduzi O‘zbekiston hududining aksariyat qismida quruq va iliq ob-havo kuzatilishi kutilmoqda. Faqat Farg‘ona vodiysi viloyatlarida vaqti-vaqti bilan yomg‘ir yog‘adi. Havo haroratining yuqori ko‘rsatkichi +15…+20 daraja bo‘ladi.
6-oktabrda havo harorati kechasi +5…+10, shimolda +2…+7 daraja, kunduzi esa +15…+20 daraja bo‘ladi. 7−9-oktabrda u asta-sekin kechasi +10…+15 darajagacha, kunduzi +20…+25 darajagacha ko‘tariladi.
Shamol sharqdan 7−12 m/s tezlikda esadi, 5-oktabrda Farg‘ona vodiysida ayrim joylarda 13−18 m/s gacha kuchayishi mumkin.
Respublikaning tog‘oldi va tog‘li hududlarida 5-oktabrda ayrim joylarda yomg‘ir yog‘adi, sel-suv toshqin hodisalari yuzaga kelishi mumkin. Baland tog‘larda ba’zi joylarda yomg‘ir qorga aylanishi ehtimoli bor. 6−9-oktabrda yog‘ingarchilik kutilmaydi, faqat Farg‘ona viloyatining tog‘li hududlarida 8−9-oktabrda biroz yomg‘ir yog‘ishi mumkin.
Toshkent shahrida yog‘ingarchilik kutilmaydi. Shamol sharqdan 3−8 m/s tezlikda esadi. Havo harorati dushanba kuni kunduzi va seshanba kuni +17…+20 daraja bo‘ladi, 7−9-oktabrda +22…+25 darajagacha asta-sekin ko‘tariladi. Harorat kechasi 6−7-oktabrda +7…+10 daraja bo‘ladi, 8−9-oktabrda +12…+15 darajagacha ko‘tariladi.