O‘zbekistonda dam olish kunlari havo yana salqinlashadi
O‘zbekistonda dam olish kunlari havo yana salqinlashadi
O‘zbekistonda dam olish kunlari havo harorati yana pasayishi kutilmoqda.
“O‘zgidromet” prognozlariga ko‘ra, 26–27-sentyabr kunlari mamlakat hududining katta qismida havo biroz bulutli, vaqti-vaqti bilan o‘zgaruvchan bo‘ladi, yog‘ingarchilik kutilmaydi. Havo harorati asta-sekin pasayishda davom etadi.
Juma kuni kunduzi harorat 26-30 daraja, janubiy hududlarda 31-33 daraja bo‘lsa, shanba va yakshanba kunlari u asta-sekin 22-25 darajagacha, janubda 27-30 darajagacha tushadi. Kechalari havo harorati 9-14 daraja atrofida bo‘ladi.
Shamol sharqdan 7-12 metr/sekund tezlikda esadi, 26–27-sentyabrda shimolda va cho‘l hududlarda ayrim joylarda 13-18 metr/sekundgacha kuchayishi, ba’zi hududlarda chang-to‘zon bilan kuzatilishi mumkin.
Toshkentda havo biroz bulutli, vaqti-vaqti bilan o‘zgaruvchan bo‘ladi. Juma kuni kunning ikkinchi yarmida biroz qisqa muddatli yomg‘ir yog‘ishi mumkin, shanba va yakshanba kunlari yog‘ingarchilik kutilmaydi. Harorat asosan kechalari 11-14 daraja, kunduzi 25-sentyabrda 26-28 daraja bo‘ladi, dam olish kunlari esa asta-sekin 23-25 darajagacha pasayadi.