AQSh aktrisasi Selma Bler samolyotda kuzatuvchilarga hujum qilgani aytilgach qoʻlga olindi
Blerning publitsisti Bi-bi-siga uning Los-Anjelesdan Nyu-Yorkga uchayotgan Delta samolyotidagi "taxmin qilinayotgan xatti-harakatlariga tibbiy favqulodda holat sabab boʻlganini" aytdi.
AQSh aktrisasi Selma Bler samolyotda kuzatuvchilarga hujum qilgani aytilgach qoʻlga olindi
AQSh aktrisasi Selma Bler yakshanba kuni Nyu-Yorkga uchayotgan Delta Airlines samolyotidagi hodisadan soʻng qoʻlga olindi va shifoxonaga yotqizildi.
AQSh aktrisasi Selma Bler rasmiylar uning samolyotda ikki nafar bort kuzatuvchisiga hujum qilganini aytganidan soʻng qoʻlga olindi va shifoxonaga olib ketildi.
Aeroport rasmiylarining bildirishicha, ular yakshanba kuni Los-Anjelesdan Nyu-Yorkga uchayotgan Delta Airlines samolyotida "jismoniy zoʻravonlik qilgan yoʻlovchi" haqidagi chaqiruvga javob berishgan. Nyu-York Port boshqarmasi ikki nafar bort kuzatuvchisi jarohat olgani va ulardan biri shifoxonaga olib ketilganini maʼlum qildi.
"Legally Blonde", "Hellboy" va "Cruel Intentions" filmlaridagi rollari bilan tanilgan 54 yoshli aktrisa hibsga olindi va shifoxonaga yetkazildi. FQB surishtiruv olib bormoqda.
Blerning publitsisti VVSga maʼlum qilishicha, unda "taxmin qilinayotgan xatti-harakatga olib kelgan tibbiy favqulodda holat yuz bergan".
"Qoʻnganidan soʻng unga zudlik bilan tibbiy yordam koʻrsatildi va hozirda uning ahvoli barqaror", dedi uning publitsisti.
Delta Airlines vakilining aytishicha, reys Nyu-Yorkdagi Jon Kennedi nomidagi xalqaro aeroportga kelib qoʻnganida huquq-tartibot idoralari xodimlari yetib kelishgan va bu hodisa parvoz jarayoniga taʼsir qilmagan.
"Delta Airlines uchun tartibsiz yoki noqonuniy xatti-harakatlarga aslo toqat qilib boʻlmaydi, chunki mijozlarimiz va ekipajimiz xavfsizligi har doim birinchi oʻrinda turadi", deyiladi Delta Airlines kompaniyasining BBCga bergan bayonotida.