"Tottenxem" Osimhen uchun 55 million funt sterling taklif qilishga tayyor

"Tottenxem" Osimhenni sotib olish uchun 55 million funt sterling taklif qilmoqchi

"Tottenxem" "Galatasaroy"ning hujumchisi Viktor Osimhenni o'z safiga qo'shib olish imkoniyatini ko'rib chiqmoqda.

"CaughtOffside" nashrining xabar berishicha, London klubi vositachilar orqali 27 yoshli futbolchi uchun 55 million funt sterling to'lashga tayyorligini ma'lum qilgan. Shu bilan birga, turk klubi hujumchini 65 million funt sterlingga baholamoqda.

Shunga qaramay, klublar o'rtasida hozircha rasmiy muzokaralar yoki bevosita aloqalar o'rnatilmagan.

"Tottenxem" bosh murabbiyi Roberto De Zerbi nigeriyalik futbolchining jamoa hujumini sezilarli darajada kuchaytirishiga ishonch bildirmoqda.

Avvalroq "Manchester Yunayted", "Chelsi" va "Atletiko Madrid" ham Osimhenga qiziqish bildirayotgani haqida xabarlar tarqalgan edi.