“Real Madrid” tarixiy rekord o‘rnatdi: Yan Diomande Afrika futbolidagi eng qimmat transferga aylandi

"Real Madrid" yangi tarixiy rekordni qayd etdi: Yan Diomande Afrika futbolidagi eng qimmat transferga aylandi.

Madridning "Real" klubi Kot-d’Ivuar terma jamoasi hujumchisi Yan Diomandeni o‘z safiga qo‘shib oldi va bu jahon futboli tarixida yangi rekord o‘rnatdi.

Ma’lumotlarga ko‘ra, "qirollik klubi" 21 yoshli futbolchini Germaniyaning "Leypsig" klubidan 140 million yevro evaziga sotib oldi. Ushbu transfer Afrika futboli tarixidagi eng qimmat bitim sifatida qayd etildi.

Avvalgi rekord 2019-yilda ivuarlik hujumchi Nikolya Pepening Fransiyaning "Lill" klubidan Londonning "Arsenal" jamoasiga 80 million yevro evaziga o‘tishi bilan o‘rnatilgan edi. Diomandening transferi bu ko‘rsatkichni sezilarli darajada ortda qoldirdi.

Afrikalik futbolchilarning eng qimmat transferlari ro‘yxatida Viktor Osimhen, Omar Marmush, Brayan Mbeumo, Ashraf Hakimi, Riyod Mahrez, Muhammad Qudus va Pyer-Emerik Obameyang kabi nomlar ham bor.

Eslatib o‘tamiz, Yan Diomande "Real Madrid" bilan 2033-yil 30-iyunga qadar mo‘ljallangan uzoq muddatli shartnoma imzolagan. Bu bitim "Real Madrid" tarixidagi eng qimmat transfer sifatida ham qayd etildi. Mutaxassislar Diomandeni zamonaviy futbolning eng istiqbolli hujumchilaridan biri deb baholamoqda. Klub rahbariyati yosh futbolchi kelgusi yillarda jamoa hujum chizig‘ining asosiy yetakchilaridan biriga aylanishiga ishonch bildirmoqda.