Fransiyaning Zidan qo‘l ostidagi birinchi o‘yini uchun barcha 80 000 ta chipta 24 soat ichida sotilib bo‘ldi

Zinedin Zidanning Fransiya terma jamoasi bosh murabbiyi etib tayinlanishi ortidan, uning jamoa boshidagi ilk o‘yini uchun barcha 80 000 ta chipta 24 soat ichida sotilib ketdi.

RMC Sport nashrining ma’lum qilishicha, afsonaviy murabbiy boshchiligidagi milliy terma jamoaning uy maydonidagi birinchi uchrashuvi uchun barcha chiptalar bir sutkadan kamroq vaqt ichida to‘liq sotilgan.

Chiptalar 31-iyul kuni sotuvga chiqarilgan va ertasi kuniyoq tugagan. Zidanning murabbiylikdagi debyuti 2-oktyabr kuni Millatlar Ligasida bo‘lib o‘tadi, o‘shanda Fransiya terma jamoasi Italiyani qabul qiladi. Mamlakatning asosiy stadioni bo‘lgan “Stad de Frans” taxminan 80 000 tomoshabinni sig‘dira oladi.

Fransiya futbol federatsiyasi Zidan bilan to‘rt yillik shartnoma imzolanganini rasman e’lon qilgan edi. Fransuz murabbiyi 2021-yildan beri murabbiylik faoliyati bilan shug‘ullanmayotgandi. U bungacha “Real Madrid”ga ikki marta murabbiylik qilgan: 2016-yildan 2021-yilgacha. Uning faoliyati davomida Madrid klubi 11 ta sovrinni qo‘lga kiritdi, jumladan, uchta Chempionlar Ligasi chempionligiga erishdi.