Rasman. Zinedin Zidan Fransiya terma jamoasi bosh murabbiyi etib tayinlandi

Rasmiy xabar: Zinedin Zidan Fransiya milliy terma jamoasining yangi bosh murabbiyi etib tayinlandi.

Zinedin Zidan Fransiya terma jamoasi bosh murabbiyi lavozimiga kirishdi. Uning murabbiylar shtabida avval ham birga ishlagan David Bettoni va Hamidu Msaidi yordamchi sifatida faoliyat yuritadi. Shuningdek, Fransiya terma jamoasining sobiq futbolchilari Fabyen Bartez va Bernar Diomede ham murabbiylar jamoasiga qo‘shilishi kutilmoqda.

Zidan futbolchilik faoliyati davomida Fransiya terma jamoasi safida 108 ta o‘yinda ishtirok etgan. U 1998-yilgi Jahon chempionati va 2000-yilgi Yevropa chempionatida oltin medallarni qo‘lga kiritgan.

Murabbiy sifatida Zidan "Real Madrid" klubini boshqargan va ketma-ket uch marta Chempionlar Ligasida g‘olib chiqqan. U jami sakkizta sovrinni qo‘lga kiritgan.

Fransiya terma jamoasini 14 yil davomida boshqargan va 2018-yilgi Jahon chempionatida g‘olib chiqqan Didye Desham 2026-yilgi Jahon chempionatidan so‘ng o‘z lavozimini tark etdi. Fransiyaliklar ushbu turnirda 4-o‘rinni egallashdi.