Yoqilg‘i-energetika sohasida investorlar kengashi tashkil etiladi
Mazkur kengashga Prezident Administratsiyasi Rahbari Saida Mirziyoyeva boshchilik qiladi
Yoqilg‘i-energetika sohasida investorlar kengashi tuziladi
Prezident energetika yo‘nalishidagi investorlar bilan muloqot chog‘ida yoqilg‘i-energetika sohasida investorlar kengashini tashkil etishga qaror qilganini ma’lum qildi.
Unga Prezident Administratsiyasi rahbari Saida Mirziyoyeva boshchilik qiladi.
Kengash yer ajratishdan tortib obyektni ishga tushirishgacha bo‘lgan jarayonda investorlar duch keladigan muammolarga tezkor yechim topish bilan shug‘ullanadi.
Shuningdek, muloqotda energetika loyihalari katta sarmoya va murakkab infratuzilmani talab qilishi ta’kidlandi. Yer ajratish, tarmoqqa ulanish yoki texnik shartlarni olishdagi kechikishlar butun loyihaga ta’sir ko‘rsatishi mumkin. «ACWA», «Vision Invest», «DataVolt», «Voltalia» va «EDF» kompaniyalari bu masalalarni doimiy muloqot orqali hal etishni taklif qilgan.