Yangi ixtisoslashtirilgan maktabda 260 dan ortiq isteʼdodli bolalar oʻqishni boshladilar
Yangi ixtisoslashtirilgan maktabda 260 dan ortiq iqtidorli bolalar oʻqishni boshladilar
Yangi ixtisoslashtirilgan maktab-internatda bolalarni ona tili va madaniyatidan ayirmagan holda, zamonaviy texnologiyalar va xorijiy tillarga oʻrgatish yondashuvi amalga oshirilmoqda. Muassasa faoliyati bilan Prezident Administratsiyasi rahbari Saida Mirziyoyeva tanishdi.
Bu yil bu yerda 260 dan ortiq iqtidorli oʻgʻil-qizlar oʻqishni boshladilar. Asosiy eʼtibor STEM — matematika, fizika, kimyo, biologiya va axborot texnologiyalariga qaratilgan. Oʻquvchilar ushbu fanlarni nafaqat chuqurlashtirilgan tarzda oʻzlashtiradilar, balki loyihalar ustida ishlaydilar, bilimlarini amaliyotda qoʻllaydilar va oʻz tadqiqotlarini olib boradilar.
Yana bir muhim yoʻnalish — xorijiy tillardir. Ingliz va xitoy tillari kuchaytirilgan tartibda oʻrganiladi.
Shu bilan birga, oʻquv dasturida Oʻzbekiston ona tili, tarixi, adabiyoti va madaniyatiga katta oʻrin ajratilgan.
"Bolalarga oʻz mamlakati va uning madaniyati bilan mustahkam aloqani saqlab qolgan holda, zamonaviy taʼlim va kelajak uchun imkoniyatlar berish", — aynan shunday yondashuvni Saida Mirziyoyeva oʻzi uchun yaqin deb atadi.