Xodorkovskiy Yevropani Putin atrofidagi elitani parçalaşga çaqirdi
Mixail Xodorkovskiy Yevropa davlatlarini Rossiya elitasiga Vladimir Putinni qöllab-quvvatlaşdan voz keçiş uçun muqobil yöl taklif etişga çaqirdi. Uning fikriça, nufuzli rossiyaliklar Putinsiz ahvoli yaxşilanişiga işonmayotgani uçun uning atrofida qolmoqda. Xodorkovskiy, şuningdek, lyustratsiya va Rossiyaning parçalanişi mamlakatda qurolli töqnaşuvlarga olib kelişi mumkinligidan ogohlantirdi.
Xodorkovskiy Yevropani Putin atrofidagi elita safini parchalashga chaqirdi
U Yevropa davlatlari Putinga yaqin doiralarda bo‘linish yuz berishiga ko‘maklashish uchun Rossiya elitasining nufuzli vakillariga uni qo‘llab-quvvatlashga muqobil yo‘l ko‘rsatishi kerakligini aytgan.
Putinni mamlakat ichkarisidagi kuchlar hokimiyatdan chetlatishi mumkinligi haqidagi savolga javob berar ekan, Xodorkovskiy Rossiya prezidenti o‘z xavfsizligini ta’minlash tizimini yaratganini ta’kidlagan. Uning fikricha, yana bir muhim omil — Rossiyadagi ta’sirli odamlar Putinsiz o‘z ahvoli yaxshilanishiga ishonch hosil qilmagan.
«Agar elitaning bo‘linishi haqida gapirayotgan bo‘lsak, demak, har bir shaxs uchun alohida chiqish imkoniyatlarini ko‘rsatish kerak», - degan Xodorkovskiy.
Uning so‘zlariga ko‘ra, bunday chiqish yo‘li mazkur shaxslar uchun muayyan yo‘qotishlarni ham nazarda tutishi mumkin. Biroq urushning beshinchi yilida ham shunday imkoniyatlar mavjud emasligini u yevropaliklarning jiddiy xatosi deb atagan.
Xodorkovskiy konferensiyada bu yo‘lning aniq shartlarini ochiqlamagan. Avvalroq esa rejim bilan hamkorlik qilgan odamlar uchun shunchaki unga qo‘shilmasligini bildirish yetarli emasligini yozgan edi. U amaliy qadamlar sifatida Ukrainaga xayriya qilish va rejim jinoyatlarini surishtirayotgan tergovchilarga ko‘rsatma berishni misol keltirgan.
Rossiyadagi kelgusi siyosiy o‘tish jarayoni haqida gapirar ekan, Xodorkovskiy urushga aloqador shaxslarni sud qilish va ularning huquqlarini cheklashga urinishlar mamlakat ichida qurolli qarshilikka sabab bo‘lishi mumkinligini aytgan.
Uning ta’kidlashicha, millionlab rossiyaliklar urush bilan u yoki bu tarzda bog‘langan. Ularning o‘zlari yoki yaqinlari janglarda qatnashgan, harbiy sanoat korxonalarida ishlagan yoki hokimiyat o‘rnatgan tartibni qo‘llab-quvvatlagan. Bu odamlar orasida qurol tutishga o‘rgangan va o‘zlariga nisbatan qo‘llanadigan choralarga qarshilik ko‘rsatishga tayyor shaxslar ham bor.
«Biz lyustratsiya, kontributsiya va harbiy jinoyatchilar ustidan sudlar haqida gapirayotganimizda, yangi urush haqida gapirayotganimizni tushunishimiz kerak», - degan u.
Bu o‘rinda lyustratsiya deganda avvalgi tuzum bilan bog‘liq shaxslarning davlat lavozimlarini egallashini cheklash, kontributsiya deganda esa urush yakunida mag‘lub tomon zimmasiga yuklanadigan to‘lovlar nazarda tutiladi.