Xiva—Buxoro yo‘nalishida yangi elektropoyezdlar qatnovi yo‘lga qo‘yiladi

Xiva—Buxoro yo‘nalishida yangi elektropoyezdlar qatnovi yo‘lga qo‘yiladi

9-sentyabrdan boshlab Xiva—Buxoro—Xiva yo‘nalishida zamonaviy tezyurar CRRC-Dalian elektropoyezdlari qatnay boshlaydi. Besh vagondan tashkil topgan poyezdda 415 ta ekonom klass o‘rindig‘i mavjud.

707-sonli Xiva—Buxoro-1 poyezdi seshanbadan tashqari haftaning barcha kunlari harakatlanadi. U Xivadan 09:55 da jo‘nab, Buxoroga 14:32 da yetib boradi. 706-sonli Buxoro-1—Xiva poyezdi esa dushanbadan tashqari barcha kunlari qatnaydi: Buxorodan 15:45 da yo‘lga chiqib, Xivaga 20:25 da keladi.

Shuningdek, 14-sentyabrdan Buxoro-1—Toshkent yo‘nalishida 701-sonli elektropoyezd har dushanba kuni, 15-sentyabrdan esa 702-sonli Toshkent—Buxoro-1 poyezdi har seshanba kuni qatnaydi.

Yangi qatnovlar sababli 56, 58, 127/128, 301, 6412 va 6353-sonli ayrim yo‘lovchi poyezdlarining harakat jadvaliga ham o‘zgartirishlar kiritiladi. Yo‘lovchilarga safarlarini rejalashtirishda yangilangan jadvalni inobatga olish tavsiya etildi.

Poyezdda 586 o‘rindiq bo‘lib, jami 1154 tagacha yo‘lovchi sig‘imi mavjud.