Xiva va Buxoro oʻrtasida Xitoy elektropoyezdi qatnay boshlaydi
Urganch aeroporti va Xiva oʻrtasidagi poyezd yoʻnalishi Kogongacha («Buxoro-1» vokzali) uzaytirildi. Haftada bir marta qatnov Toshkentgacha amalga oshiriladi. Liniyada Xitoyning CRRC Dalian kompaniyasi tomonidan ishlab chiqarilgan CR200J elektropoyezdlari harakatlanadi.
Xiva va Buxoro oʻrtasida Xitoy elektropoyezdi qatnay boshlaydi
9 sentyabrdan boshlab Xiva va Buxoro oʻrtasida Xitoyning CRRC Dalian kompaniyasi tomonidan ishlab chiqarilgan CR200J elektropoyezdi qatnovi yoʻlga qoʻyiladi. Bu haqda «Oʻzbekiston temir yoʻllari» kompaniyasi maʼlum qildi.
Gap sentyabr oyi boshidan buyon Urganch aeroporti va Xiva oʻrtasida qatnayotgan oʻsha poyezd haqida bormoqda. Endilikda yoʻnalish Kogonda joylashgan «Buxoro-1» vokzaligacha uzaytiriladi. Poyezdlar haftasiga olti kun qatnaydi.
14 sentyabrdan boshlab poyezd haftada bir marta Toshkentgacha harakatlanadi.
Yangi poyezd ishga tushirilishi munosabati bilan quyidagi poyezdlar jadvaliga oʻzgartirishlar kiritilmoqda:
Eslatib oʻtamiz, CR200J poyezdi iqlim nazorati tizimiga ega oltita vagondan iborat boʻlib, ekonom-klassda 415 nafar yoʻlovchiga moʻljallangan. Uning maksimal tezligi soatiga 160 km ni tashkil etadi.
Hozirda Oʻzbekistonda shunday elektropoyezdlardan ikkitasi bor. Yaqin vaqt ichida Toshkent va Andijon oʻrtasida ikkinchi tarkibni ishga tushirish kutilmoqda.