Vengriya Rossiyaning 10 nafar diplomatiga qarshi chora koʻrdi
Vengriya hukumati Rossiya diplomatik vakolatxonasining 10 nafar xodimini mamlakatdan chiqarib yuborishga qaror qildi. Budapeshtga koʻra, ular diplomatik maqomiga mos kelmaydigan faoliyat bilan shugʻullangan. Rossiya esa bunga javob choralarini tayyorlamoqda.
Vengriya Rossiyaning 10 nafar diplomatiga nisbatan chora ko‘rdi
Bu haqda 8-sentabr kuni Vengriya tashqi ishlar vaziri Anita Orban ma’lum qildi.
Uning aytishicha, Rossiya diplomatik vakolatxonasining 10 nafar xodimi Vengriya hududida Diplomatik munosabatlar to‘g‘risidagi Vena konvensiyasida belgilangan diplomat maqomiga mos kelmaydigan faoliyat bilan shug‘ullangan.
Shu sababli Vengriya tomoni ushbu diplomatlardan mamlakat hududini tark etishni talab qilgan.
«Rossiya vakolatxonasining o‘n nafar xodimi Vengriyada Vena konvensiyasiga muvofiq diplomat maqomiga mos kelmaydigan faoliyat olib borgan. Shu sabab Vengriya tomoni ulardan mamlakatni tark etishni talab qildi», - dedi tashqi ishlar vaziri.
Bosh vazir Peter Madyar boshchiligidagi Vengriya hukumati bu qaror mamlakat «xavfsizligi va suverenitetini» himoya qilish maqsadida qabul qilinganini bildirdi.
Shu bilan birga, Anita Orban diplomatlarni chiqarib yuborish Rossiya bilan diplomatik munosabatlarni uzish degani emasligini ta’kidladi.
Uning fikricha, ikki davlat o‘rtasida o‘zaro hurmat va belgilangan qoidalarga rioya qilish asosida zarur muloqot saqlanib qolishi kerak.
Rossiya davlat OAV esa Moskva Vengriyaning qaroriga javoban tegishli choralar tayyorlayotgani haqida xabar berdi. Rossiya tomoni qanday javob choralari ko‘rishi hozircha ochiqlanmagan.