Toşkentda gaşiş moyi işlab çiqaruvçi narkolaboratoriya aniqlandi
Toşkentda giyohvandlik moddalari işlab çiqarilgan laboratoriya aniqlandi. Huquqni muhofaza qiluvçi organlar 3,5 kg gaşiş moyi va boşqa taqiqlangan moddalarni musodara qildi.
Toşkentda gaşiş moyi işlab çiqaruvchi narkolaboratoriya fosh etildi
Toşkentda huquqni muhofaza qiluvchi organlar giyohvandlik vositalari ishlab chiqarish laboratoriyasini aniqlab, taqiqlangan mahsulotlarning katta partiyasini musodara qildi.
Giyohvandlik moddalarining noqonuniy aylanmasida ishtirok etganlikda gumon qilinib, ikki nafar fuqaro qo‘lga olindi. Bu haqda O‘zbekiston Ichki ishlar vazirligi matbuot xizmati ma’lum qildi.
Vazirlik ma’lumotiga ko‘ra, qo‘lga olinganlardan biri internet orqali faoliyat yurituvchi narkotiklar do‘konida yashirin tarzda giyohvandlik moddalarini belgilangan joylarga qoldirish bilan shug‘ullangan. U Yashnobod tumanida ushlangan paytda undan 58 ta o‘ramga qadoqlangan 74 gramm gaşiş moyi topilgan.
Tergov jarayonida gumonlanuvchi giyohvandlik moddalarini muntazam ravishda ikkinchi qo‘lga olingan shaxsdan olib turgani aniqlangan. Taxminlarga ko‘ra, u ulgurji yetkazib berish bilan shug‘ullangan.
Narkolaboratoriya Chilonzor tumanidagi “Dombraobod” mahallasida ijaraga olingan xonadondan aniqlangan. Tekshiruv davomida huquqni muhofaza qiluvchi organlar 3,5 kg gaşiş moyi, tarqatish uchun tayyorlangan 361 ta o‘ramdagi yana 350 gramm ushbu modda, gaşiş va gaşiş moyi aralashmasi, shuningdek, 600 gramm gaşişni musodara qilgan.
Bundan tashqari, xonadondan 1,5 kg gaşiş moyidan foydalanib tayyorlangan pechenye, tarkibida ushbu modda bo‘lgan to‘rt quti marmelad, shuningdek, giyohvandlik vositalarini ishlab chiqarish uchun mo‘ljallangan uskunalar va materiallar topilgan.
Mazkur holat yuzasidan O‘zbekiston Jinoyat kodeksining 273-moddasi oltinchi qismi “a” bandi bilan jinoyat ishi qo‘zg‘atilgan.
Ushbu modda giyohvandlik vositalari va psixotrop moddalarni o‘tkazish maqsadida qonunga xilof ravishda tayyorlash, olish, saqlash va boshqa harakatlarni amalga oshirish, shuningdek, ularni noqonuniy o‘tkazganlik uchun javobgarlikni nazarda tutadi.
Hozirda ish holatlariga aniqlik kiritilmoqda.