Tirqishigacha tozala
2026 yil 1 dekabrdan boshlab Oʻzbekistonda davlat xizmatchilari rahbarlari ustidan «Xavfsiz va hurmatli ish muhiti» portali orqali shikoyat yuborishlari mumkin boʻladi, deb xabar berdi OʻzR Adliya vazirligi. Birinchi bosqichda tizim davlat tashkilotlari va davlat ulushi kamida 50% boʻlgan kompaniyalarni qamrab oladi.
Portal orqali ish joyidagi tazyiq, zoʻravonlik va kamsitishlar toʻgʻrisidagi murojaatlar qabul qilinadi. Telefon yoki internet orqali amalga oshirilgan harakatlar — masalan, qoʻngʻiroqlar, xabarlar va yozishmalar ustidan ham shikoyat qilish mumkin boʻladi.
Agar murojaat rahbar yoki boshqa mansabdor shaxsga tegishli boʻlsa, tizim uni yuqori turuvchi instantsiyaga yuboradi.
Portalda tekshiruv va uning natijalari toʻgʻrisidagi maʼlumotlar, shuningdek, koʻrilgan choralar haqidagi axborot saqlanadi. Tekshiruv yakunlanganidan keyin ushbu maʼlumotlarni oʻchirib tashlash mumkin emas. Maʼmuriy huquqbuzarlik yoki jinoyat alomatlari aniqlanganda, materiallar 112 xizmati orqali vakolatli organlarga topshiriladi.
Rahbariyat jinsiy va jismoniy zoʻravonlik, shuningdek, shilqimlik uchun jazolanishi mumkin.
Alohida holat sifatida, xodimga nisbatan u shikoyat qilganidan keyin ruhiy tazyiq oʻtkazish, kamsitish va taʼqib qilish uchun ham jazolash taklif etilmoqda. Bunday harakatlar mehnat intizomini buzish deb tan olinishi mumkin.