Toshkentning toʻrtta tumanida gaz taʼminoti vaqtincha oʻchiriladi

Toshkentning toʻrtta tumanida gaz vaqtincha oʻchiriladi

Bugun, 14 oktyabr kuni Toshkentning toʻrtta tumanida rejali taʼmirlash ishlari sababli isteʼmolchilarning bir qismiga gaz yetkazib berish vaqtincha toʻxtatiladi. Bu haqda Hududgaz Poytaxt matbuot xizmati xabar berdi.

Gaz uzilishi soat 10:00 dan 18:00 gacha davom etadi va quyidagi hududlarga taʼsir qiladi.

**Shayxontohur tumani:**

- «Labzak» mahallasi — 240 xonadonli toʻrtta koʻp qavatli uy va 1 155 ta hovli uy.

- «Taxtapul» mahallasi — 132 xonadonli ikkita koʻp qavatli uy va 1 101 ta hovli uy.

- «Shayxontohur» mahallasi — 2 071 ta xonadon.

- «Hadra» mahallasi — 2 069 ta xonadon.

- «Oʻrda» mahallasi — 882 xonadonli 12 ta koʻp qavatli uy.

Bundan tashqari, 273 ta ulgurji isteʼmolchi gazsiz qoladi.

**Chilonzor tumani:**

- «Beshagʻach» mahallasi — 144 xonadonli uchta koʻp qavatli uy.

- Toʻrtta ulgurji isteʼmolchi.

**Yakkasaroy tumani:**

- «Yunus Rajabiy» mahallasi — 40 ta hovli uy.

- Beshta ulgurji isteʼmolchi.

**Yunusobod tumani:**

- «Minor» mahallasi — 6-kvartaldagi 1 700 xonadonli 32 ta koʻp qavatli uy, shuningdek, Binafsha, Elobod, Xurshid, Minor berk va Dalazar koʻchalaridagi 120 ta hovli uy.

- «Turkiston» mahallasi — Moyqoʻrgʻon koʻchasidagi 60 ta hovli uy.

- «Minor Jome» masjidi, Afgʻoniston elchixonasi va 15 ta ulgurji isteʼmolchi.

Gaz taʼminoti taʼmirlash ishlari davomida toʻxtatiladi. Isteʼmolchilarga maishiy va ishlab chiqarish ishlarini rejalashtirishda ushbu vaqtinchalik cheklovlarni hisobga olish tavsiya etiladi.