Toshkent tumanlaridan birining aholisi vaqtincha gazsiz qoladi

Toshkentning tumanlaridan birining aholisi vaqtincha gazsiz qoladi

Toshkentning Sirgʻali tumanida 14 sentyabr kuni bir nechta turar joy mavzelarida tabiiy gaz taʼminoti vaqtincha toʻxtatiladi. Cheklovlar taʼmirlash ishlari sababli joriy etiladi.

«Hududgaz Poytaxt» xabariga koʻra, gaz soat 10:00 dan 17:00 gacha oʻchiriladi. Qoʻyliq-5 mavzesining «Xalqobod» mahallasida 23 ta koʻp qavatli uy (746 ta xonadon) gazsiz qoladi. Qoʻyliq-5 mavzesining «Madaniyat» mahallasida — 18 ta uy (518 ta xonadon). Qoʻyliq-6 mavzesining «Birdamlik» mahallasida — 14 ta uy (436 ta xonadon). Qoʻyliq-7 mavzesining «Shukrona» mahallasida — 11 ta uy (424 ta xonadon).

Bundan tashqari, oʻchirish 22 ta ulgurji isteʼmolchiga ham tegishli boʻladi. Gaz taʼminoti ishlar yakunlangach tiklanadi.

Avvalroq Toshkentda poytaxtni kuz-qish mavsumiga tayyorlash hamda kommunal va energetika infratuzilmasining barqaror ishlashini taʼminlash boʻyicha amalga oshirilgan ishlar yakunlari sarhisob qilingan edi.