Toshkentdagi valyuta sxemalari: boldirga bogʻlangan $240 ming va $8,4 ming qalbaki pullar
Toshkent viloyatida bojxonachilar mamlakatdan 240 ming dollar naqd pulni noqonuniy olib chiqib ketishga boʻlgan urinishning oldini olishdi, poytaxtda esa huquq-tartibot idoralari xodimlari qalbaki dollarlarni sotayotgan ikki erkakni qoʻlga olishdi. Toshkent tumanidagi «Navoiy» chegara bojxona postida Qozogʻistonning ikki fuqarosi koʻzdan kechirildi. Maʼlum boʻlishicha, ulardan biri oyoqlarining boldir qismiga skotch bilan 160 ming dollar yopishtirib olgan, ikkinchisi esa xuddi shu usulda 80 ming dollarni yashirgan. […]
Toshkentdagi valyuta sxemalari: boldirga bogʻlangan $240 ming va $8,4 ming qalbaki pullar
Toshkent viloyatida bojxonachilar mamlakatdan $240 ming naqd pulning noqonuniy olib chiqib ketilishiga chek qoʻyishdi, poytaxtda esa huquq-tartibot idoralari xodimlari qalbaki dollarlarni sotayotgan ikki erkakni qoʻlga olishdi.
Toshkent tumanidagi «Navoiy» chegara bojxona postida Qozogʻistonning ikki fuqarosi koʻrikdan oʻtkazildi. Aniqlanishicha, ulardan biri skotch yordamida boldirlariga $160 ming yopishtirib olgan, ikkinchisi esa xuddi shu usulda $80 mingni yashirgan. Erkaklar pullarni qoʻshni davlatga yashirincha olib chiqib ketmoqchi boʻlishgan.
Boshqa bir holatda, Toshkent shahrida Qibray tumanida yashovchi shaxs Yunusobod tumanilik sherigi bilan birgalikda soxta xaridorga qalbaki $8,4 mingni sotmoqchi boʻlgan. Huquq-tartibot idoralari maʼlumotlariga koʻra, qalbaki kupyuralar Turkiyadan olib kelingan.
Qalbaki pullar evaziga jinoyatchilar $3,8 ming olishni koʻzlashgan. Kelishuv vaqtida ikkala erkak ham qoʻlga olindi.
Har ikki holat yuzasidan jinoyat ishi qoʻzgʻatilgan. Hozirda tergov harakatlari olib borilmoqda.