Toshkentda moliyaviy xizmatlar hajmi 75 trln so‘mdan oshdi
7 oy mobaynida O‘zbekistonda moliyaviy xizmatlar 24,5 foizga o‘sdi. Hududlar o‘rtasida xizmatlar hajmi keskin farq
Toshkentda moliyaviy xizmatlar hajmi 75 trln so‘mdan oshdi
Milliy statistika qo‘mitasi ma’lumotlariga ko‘ra, 2026-yilning yanvar–iyul oylarida O‘zbekistonda 125,8 trln so‘mlik moliyaviy xizmatlar ko‘rsatilgan.
Bu ko‘rsatkich 2025-yilning shu davriga nisbatan 24,5 foizga yuqori. Moliyaviy xizmatlarning eng katta ulushi Toshkent shahri hissasiga to‘g‘ri kelgan. Poytaxtda bu raqam 75,1 trln so‘mni tashkil etgan. Bu ro‘yxatdagi viloyatlar orasidagi eng yuqori natijadan bir necha barobar ko‘p.
Farg‘ona viloyatida 6 trln so‘mlik moliyaviy xizmatlar ko‘rsatilgan. Toshkent viloyatida 5,7 trln so‘m, Andijonda 5,6 trln so‘m qayd etilgan.
Samarqandda xizmatlar hajmi 4,8 trln so‘m, Qashqadaryoda 4,1 trln so‘mni tashkil qilgan. Xorazmda 3,5 trln so‘mlik xizmat ko‘rsatilgan bo‘lsa, Surxondaryoda ham bu ko‘rsatkich 3,5 trln so‘m bo‘lgan.
Buxoro viloyatida 3,4 trln so‘m, Namanganda 3,3 trln so‘mlik moliyaviy xizmatlar ko‘rsatilgan. Jizzaxda 3 trln so‘m, Qoraqalpog‘iston Respublikasida 2,9 trln so‘m qayd etilgan.
Navoiy viloyatida moliyaviy xizmatlar hajmi 2,8 trln so‘mga yetgan. Sirdaryoda esa 2 trln so‘mlik xizmat ko‘rsatilgan.