Toshkentda — Gʻalaba bogʻi yaqinida yana bir sunʼiy koʻl barpo etilmoqda
Poytaxtning barcha tumanlarida 12 ta suv havzasini tashkil etish loyihasi doirasida Toshkentda navbatdagi sunʼiy koʻl barpo etilmoqda. U Keles yoʻli koʻchasida, Gʻalaba bogʻi yaqinida joylashadi.
Toshkentda yana bir sunʼiy koʻl barpo etilmoqda — Gʻalaba bogʻi yaqinida
Toshkentning Olmazor tumanidagi Keles yoʻli koʻchasida sunʼiy koʻlga ega yangi hordiq chiqarish hududini obodonlashtirish rejalashtirilmoqda, xabar berdi tuman hokimligi. Obʼyekt Gʻalaba bogʻi yaqinidagi xiyobon oʻrnida paydo boʻladi.
Koʻlning maydoni 0,50 gektarni, chuqurligi — 2 metrni, hajmi — 10 ming kubometrni tashkil etadi. Suv havzasi atrofida piyodalar yoʻlaklari va alohida velosiped yoʻlagi yotqiziladi. Ularning umumiy uzunligi 2 km ga yetadi.
Tuman hokimligida taʼkidlanishicha, qurilish va obodonlashtirish ishlari davomida barcha koʻp yillik daraxtlar saqlab qolinadi. Bundan tashqari, 200 ta yangi daraxt ekiladi.
Kichik daraxtlarning bir qismini, mutaxassislar nazorati ostida vaʼda qilinganidek, «boshqa mos uchastkalarga ehtiyotkorlik bilan koʻchirib oʻtkazish» rejalashtirilgan.
Ushbu loyiha shanglilikni kamaytirish, havoni namlantirish va tegishli hududlarda yanada qulay mikroiqlimni shakllantirish maqsadida poytaxtning barcha tumanlarida 12 ta sunʼiy suv havzasini tashkil etish tashabbusiga kiradi.
Avvalroq Sergeli tumanidagi «Qumariq» mahallasida (hozirgi aeroport yaqinida) maydoni 1,7 gektar boʻlgan hamda Uchtepa tumanida maydoni 0,9 gektar boʻlgan koʻl tashkil etilishi haqida xabar berilgan edi.
Yangi suv havzalari Botanika bogʻi hududida hamda sobiq Ipakchilik ilmiy-tadqiqot instituti oʻrnidagi yangi bogʻda ham barpo etilmoqda.