Toshkentda bir oy ichida 21 mingdan ortiq chiptasiz yoʻlovchi ushlandi. Video
Toshkentda bir oyda 21 mingdan ortiq chiptasiz yoʻlovchi aniqlandi. Video
Toshkentda avtobuslarda yoʻl haqini toʻlashni nazorat qilish kuchaytirildi. Oktyabr oyining dastlabki 26 kunida yoʻl haqini toʻlamagan yoʻlovchilarga nisbatan 21 mingdan ortiq maʼmuriy bayonnoma tuzildi — bu butun sentyabr oyidagiga qaraganda 830 taga koʻp.
Bu haqda "Toshshahartransxizmat" matbuot xizmati xabar beradi.
Qoidabuzarlar soni ketma-ket uchinchi oy oʻsmoqda. Avgust oyida 10,8 mingta bayonnoma tuzilgan boʻlsa, sentyabrda — deyarli 20,3 mingta, yaʼni bir oyda koʻrsatkich 87,1% ga oshgan.
Kunlik bayonnomalarning oʻrtacha soni ham ortib bormoqda. Avgustda sutkasiga qariyb 350 ta tuzilgan boʻlsa, sentyabrda — 676 ta, oktyabrda esa — allaqachon 812 tani tashkil etdi.
Yil boshidan 26 oktyabrgacha boʻlgan davrda yoʻl haqini toʻlamagan jami 134,3 ming yoʻlovchi maʼmuriy javobgarlikka tortildi.
Kompaniyadagilarning tushuntirishicha: bu oʻsish nafaqat qoidabuzarlar sonining ortgani, balki tekshiruvlar qamrovi kengaygani va inspektorlarning yanada samarali ishlayotgani bilan bogʻliq.
Eslatib oʻtamiz, inspektorlar tekshiruvlar vaqtida validatorlar ishini cheklab qoʻyishlari mumkin, shuning uchun yoʻl haqini avtobusga kirgandan soʻng darhol toʻlash kerak.