xabarchixabarchiABARCHI
Mahalliy

Toshkentda avtobus eshiklarini ochiq qoldirib harakatlanish haydovchiga jarima bilan yakunlandi

Toshkentda avtobus eshiklarini ochiq qoldirib harakatlanish haydovchining jarimaga tortilishi bilan yakunlandi

Toshkentda avtobus eshiklarini ochiq qoldirib harakatlangani uchun haydovchi ish haqining 10 foizi miqdorida jarimaga tortildi. Qoidabuzarlik ijtimoiy tarmoqlarda yoʻlovchilar xavfsizligi talablariga rioya qilinmagani haqidagi xabar tarqalganidan keyin aniqlandi.

«Toshshahartransxizmat» xabariga koʻra, voqea 4 oktyabr kuni sodir boʻlgan. Haydovchi harakat davomida texnik soz boʻlgan avtobusni eshiklarini yopmasdan boshqargan va shu tariqa lavozim yoʻriqnomasi talablarini buzgan.

Tekshiruv natijalariga koʻra, haydovchiga nisbatan intizomiy chora koʻrildi. 5 oktyabrdagi buyruqqa asosan, uning ish haqidan 10 foiz miqdorida jarima ushlab qolinadi.

Kompaniyada yoʻlovchilar xavfsizligi va avtobuslardan foydalanish qoidalariga rioya etilishi doimiy nazoratda ekani taʼkidlandi. Bundan tashqari, bu kabi holatlar takrorlanishining oldini olish maqsadida haydovchilar tomonidan oʻz vazifalari bajarilishi ustidan nazorat kuchaytirildi.

12-avtobus saroyi rahbariyati yoʻlovchilardan yetkazilgan noqulayliklar uchun uzr soʻradi.

xabarchi’da cookie fayllari

Til va mavzu tanlovingizni eslab qolish hamda hozir saytni nechta odam o‘qiyotganini sanash uchun cookie fayllaridan foydalanamiz — bu hisob anonim, faqat brauzeringiz ochiq turganda saqlanadi va na siz bilan, na boshqa tashrif bilan bog‘lanmaydi. Ruxsatingiz bilan sayt qanday o‘qilishini ham o‘lchaymiz: Microsoft Clarity sahifa ko‘rishlari va ulardagi harakatlarni yozib boradi, o‘z hisobimiz esa qaytgan o‘quvchilarni sanaydi. Sizni tashriflar orasida taniydigan hech narsa siz qabul qilmaguningizcha o‘lchanmaydi.