Toshkent viloyatida marixuana, miltiq va patronlar yashirilgan joy aniqlandi. Video
Toshkent viloyatida marixuana, miltiq va patronlar yashirilgan joy topildi. Video
Toshkent viloyatining Qibray tumanida ijaraga olingan qishloq xoʻjaligi yer maydonida ikkita konteyner aniqlandi, ularning ichida 7 kilogramm marixuana, pnevmatik miltiq va uchta patron bor edi.
Qibray tumanidagi qoʻshma reyd Davlat xavfsizlik xizmati va Toshkent shahar Ichki ishlar bosh boshqarmasi xodimlari tomonidan oʻtkazildi.
Huquq-tartibot idoralari xodimlarining eʼtiboriga muqaddam sudlangan 40 yoshli mahalliy fuqaro tushdi. U uzoq muddatga ijaraga olgan yer maydonidagi ikkita konteyner tekshirildi.
Ichkaridan 7 kilogramm quritilgan marixuana, IJ-38 rusumli pnevmatik miltiq va 12 millimetrli uchta patron topildi. Hammasi ashyoviy dalil sifatida olindi.
Hozirda tergovga qadar tekshiruv oʻtkazilmoqda.
Avvalroq huquq-tartibot idoralari xodimlari shaxsiy xonadon egasidan ikki metrli kannabis butasi, shuningdek, marixuana oʻralgan tugun aniqlagan edi.