“Topuriya kelasi yilning boshida qaytadi” — Dana Uayt
Uning so‘nggi jangi shu yilning iyun oyida Jastin Getjiga qarshi boʻlib oʻtgandi.
“Topuriya kelasi yil boshida qaytadi” — Dana Uayt
UFC prezidenti Dana Uayt Iliya Topuriyaning oktagonga qachon qaytishini ma’lum qildi.
“Topuriya 2027-yil boshida qaytadi. Biz buning ustida ishlayapmiz”, dedi Uayt.
Sportchining oxirgi jangi 2026-yil iyunida bo‘lib o‘tgan edi. O‘sha paytda u Oq uyda o‘tkazilgan UFC musobaqasida Jastin Getjiga texnik nokaut bilan mag‘lub bo‘lgandi. O‘sha jangda Topuriyaning jag‘ suyaklari singan. Shundan keyin jangchi Gruziyaga qaytib, mashg‘ulot olib borayotganini bildirgandi.
“Men hammasi boshlangan joyga qaytdim. Xotiralarga berilish uchun emas, balki hammasini qaytadan o‘ylab olish uchun. Matador qaytmoqda”, deb yozgandi Topuriya o‘zining ijtimoiy tarmoqlardagi sahifasida.