Tbilisida noroziliklarning yangi tölqini boşlandi
Gurjiston poytaxtida muxolifat partiyalarini taqiqlaş haqidagi daʼvo Konstitutsiyaviy sudda körib çiqilayotgan bir paytda minglab odamlar norozilik yurişida qatnaşdi. Muxolifat yetakçilari buni yangi namoyişlar tölqinining boşlanişi deb atab, 28-noyabr kuni yirik aksiya ötkazişni rejalaştirayotganini bildirdi.
Tbilisida noroziliklarning yangi to‘lqini boshlandi
DW xabariga ko‘ra, 25-oktabr kuni Tbilisida hukmron «Gurjiston orzusi» partiyasi siyosatiga qarshi «Ivanişvilisiz Gurjiston» shiori ostida yurish o‘tkazildi. Uni muxolifat va fuqarolik jamiyati vakillari tashkil etgan.
«Kavkazskiy uzel» nashri yozishicha, ishtirokchilar Tbilisi davlat universitetidan Rustaveli shohko‘chasi tomon yo‘l olgan. Aksiyada minglab odam qatnashib, Gurjiston, Ukraina va Yevropa Ittifoqi bayroqlarini ko‘tarib borgan. Hududga ko‘p sonli huquq-tartibot xodimlari ham jalb etilgan.
«O‘zgarishlar uchun koalitsiya» yetakchisi Nika Gvaramiya miting oldidan bu aksiyani noroziliklarning yangi to‘lqini boshlanishi deb atagan. U 28-noyabr kuni imkon qadar ko‘p odam to‘planishi muhimligini ta’kidlagan. Bu sana Gurjistonda 2024-yil noyabrida boshlangan ommaviy namoyishlarning ikki yilligiga to‘g‘ri keladi.
«Yevropa Gurjistoni» yetakchisi Giga Sereteli ham 28-noyabrda katta aksiya rejalashtirilganini ma’lum qilgan.
«Gruziya Online» nashri keltirgan bayonotda Sereteli mamlakatda demokratiyaga putur yetkazilayotgani va siyosiy hayot cheklanayotganini aytgan. Uning fikricha, bir paytlar Yevropa integratsiyasi yo‘lida ilg‘or bo‘lgan Gurjiston bugun ortda qolmoqda. Siyosatchi partiyalarni taqiqlash masalasi va siyosiy mahbuslar deb hisoblaydigan shaxslarning taqdirini ham asosiy muammolar qatorida sanagan.
Gurjistonda ommaviy noroziliklar 2024-yil bahorida «chet el agentlari» to‘g‘risidagi qonunga qarshi boshlangan. Keyinchalik «Gurjiston orzusi» partiyasining parlament saylovidagi g‘alabasidan so‘ng namoyishlar kuchaygan.
O‘sha yil noyabrida hukumat Yevropa Ittifoqiga qo‘shilish bo‘yicha muzokaralarni 2028-yilgacha kechiktirishini e’lon qilgach, noroziliklar keng ko‘lamli siyosiy inqirozga aylangan. Namoyishlar politsiya bilan to‘qnashuvlar, ko‘zdan yosh oqizuvchi gaz va suv purkagichlar qo‘llanishi bilan kechgan.