Sirdaryoda xodimlarni dam olish kunlari ishga majburan jalb qilgan bo‘lim boshlig‘i jarimaga tortildi
Sirdaryoda xodimlarni dam olish kunlari ishga majburan jalb qilgan bo‘lim boshlig‘i jarimaga tortildi
Sirdaryo viloyati Xovos tumani suv ta’minoti bo‘limi boshlig‘i xodimlarni dam olish kunlarida ishga jalb qilgani haqidagi xabarlar tarqaldi. Ombudsman idorasi ushbu holatni o‘rgandi.
Qayd etilishicha, Oliy Majlisning inson huquqlari bo‘yicha vakiliga “Sirdaryo suv ta’minoti” AJ Xovos tuman bo‘limi xodimlari dam olish va bayram kunlari majburan ishga jalb qilinayotgani yuzasidan murojaat kelib tushgan. Murojaat ombudsmanning Sirdaryo viloyatidagi mintaqaviy vakili hamda viloyat Davlat mehnat inspeksiyasi tomonidan o‘rganilgan.
Tekshiruv jarayonida xodimlarning tushuntirish xatlari, Telegram tarmog‘idagi videolar va ishga chiqishga chaqirilgan audioyozuvlar ko‘rib chiqildi. Natijada xodimlarning dam olish kunlari ishga jalb qilingani tasdiqlandi.
O‘rganish yakuniga ko‘ra, bo‘lim boshlig‘i A.P.ga nisbatan Ma’muriy javobgarlik to‘g‘risidagi kodeksning 51-moddasi 1-qismi asosida ma’muriy bayonnoma rasmiylashtirildi. Bo‘lim boshlig‘iga 41 million 200 ming so‘m jarima belgilandi.
Davlat mehnat inspeksiyasi mazkur holatlarda majburiy mehnatga yo‘l qo‘yilgani va Mehnat kodeksining 5-moddasi talablari buzilganini aniqladi.
Natijada maktabgacha ta’lim tashkiloti rahbari G.A. Ma’muriy javobgarlik to‘g‘risidagi kodeksning 51-moddasi 1-qismiga (mehnatga maʼmuriy tarzda majburlash) asosan BHMning 50 baravari — 20,6 mln so‘m miqdorida jarimaga tortildi.