Samarqand viloyati hokimiga o‘rinbosarlar tayinlandi
Rustam Qobilov yangi tashkil etilgan Samarqand viloyati hokimining rasmiy delegatsiyalarning tashrifi masalalari bo‘yicha o‘rinbosari lavozimiga
Samarqand viloyati hokimiga o‘rinbosarlar tayinlandi
Samarqand viloyati hokimiga o‘rinbosarlar tayinlandi. Bu haqda viloyat hokimligi matbuot xizmati ma’lum qildi.
Hokimning tegishli qaroriga muvofiq, Qobilov Rustam Rajabboyevich yangi tashkil etilgan Samarqand viloyati hokimining rasmiy delegatsiyalarning tashrifi masalalari bo‘yicha o‘rinbosari lavozimiga tayinlandi.
Rustam Qobilov ushbu tayinlovga qadar viloyati hokimining turizm, madaniyat, madaniy meros va ommaviy kommunikatsiyalar masalalari bo‘yicha o‘rinbosari sifatida ishlagan.
Samarqand viloyati hokimining tegishli qaroriga asosan, Suyunov Jo‘rabek Bahriddinovich Samarqand viloyati hokimining turizm, madaniyat, madaniy meros va ommaviy kommunikatsiyalar masalalari bo‘yicha o‘rinbosari lavozimiga tayinlandi.
Jo‘rabek Suyunov mazkur tayinlovga qadar viloyat turizm boshqarmasi boshlig‘i lavozimida faoliyat yuritgan.