Samarqand «Jahon hunarmandchilik shahri» maqomiga ega bo‘ldi
Samarqand shahriga «Jahon hunarmandchilik shahri» maqomi berildi. Sertifikat viloyat hokimi Adiz Boboyevga topshirildi.
Samarqandga «Jahon hunarmandchilik shahri» unvoni berildi. Bu haqda Samarqand viloyati hokimligi ma’lum qildi.
Ushbu nufuzli maqomni tasdiqlovchi sertifikat Samarqand viloyati hokimi Adiz Boboyevga Jahon hunarmandchilik kengashi prezidenti Saad Hani Al-Qaddumiy bilan bo‘lib o‘tgan uchrashuv yakunida topshirildi.
Muzokaralar davomida hunarmandchilikni yanada rivojlantirish, milliy amaliy san’at an’analarini saqlash va ularni O‘zbekiston tashqarisida targ‘ib qilish masalalari muhokama qilindi.
Xususan, hunarmandlar faoliyati uchun qulay sharoitlar yaratish hamda “ustoz-shogird” an’anasini rivojlantirishga alohida e’tibor qaratildi. Bu an’ana kasbiy ko‘nikma va tajribani ustozdan shogirdga o‘tkazishni nazarda tutadi.
Samarqandga «Jahon hunarmandchilik shahri» maqomining berilishi hududning ko‘p asrlik hunarmandchilik an’analarini qo‘llab-quvvatlash va mahalliy ustalar uchun yangi imkoniyatlar yaratishga qaratilgan. Shuningdek, milliy amaliy san’at namunalarini xalqaro miqyosda yanada keng targ‘ib qilish kutilmoqda.
Tomonlar hunarmandchilik va turizm sohalaridagi hamkorlikni davom ettirishga kelishib oldilar. Olingan maqom ushbu yo‘nalishlarda xalqaro aloqalarni rivojlantirishga ham xizmat qilishi lozim.