Mahalliy
Rossiyaga ishlashga borib, moddiy qiyinchilikka tushgan oʻzbekistonliklar qaytarildi
Vladivostokda vaqtincha ishlash davrida moddiy qiyin ahvolga tushib qolgan bir guruh Oʻzbekiston fuqarosi vatanga qaytarildi. Ularga Migratsiya agentligi jamgʻarmasi mablagʻlari hisobidan aviachiptalar xarid qilingan.
Rossiyaga ishlash uchun borib, moddiy qiyinchilikka duch kelgan o‘zbekistonliklar vatanga qaytarildi. «Dunyo» axborot agentligi xabariga ko‘ra, amaliy yordam ko‘rsatilganlar orasida A.M., K.M., Y.N. va V.A. ham bor.
Fuqarolarning 13-oktabr kuni «Vladivostok - Toshkent» aviareysi orqali O‘zbekistonga qaytishi ta’minlandi.
Xabarda vatandoshlarga og‘ir hayotiy vaziyatda ko‘mak berilgani va ularning qonuniy manfaatlari himoya qilingani qayd etilgan.